Huduma za Afya

Katika kipindi cha kuanzia 2020 hadi Juni 2024, Mkoa wa Kagera umepokea jumla ya Shilingi Bilioni 54.4 kutoka vyanzo mbalilmbali kwa ajili ya Ujenzi, Ukarabati wa Miundombinu ya huduma za afya na ununuzi wa vifaa tiba.  Ifuatayo ni miradi ya ujenzi iliyotekelezwa: Ujenzi wa Hospitali 8 za Halmashauri, Ujenzi/upanuzi wa vituo vya afya 24, Ujenzi wa zahanati 40 Ujenzi wa majengo ua dharura kwenye Halmashauri na Hospitali ya Rufaa ya Mkoa, Ujenzi wa nyumba tano (27) za watumishi

Ujenzi wa Hospitali za Wilaya

Ujenzi wa Hospitali za Wilaya Katika Halmashauri za Wilaya za Karagwe, Bukoba, Kyerwa, Ngara, Missenyi na Halmashauri ya Manispaa ya Bukoba zimekamilika na zinatoa huduma. Aidha, ujenzi wa hospitali za Wilaya za Muleba na Biharamulo zipo hatua mbalimbali za ujenzi.

Vituo vya Afya: 

Ujenzi wa vituo vya afya vipya 24 umekamilika katika Halmashauri za Karagwe, Bukoba, Kyerwa, Ngara, Missenyi, Muleba, Biharamulo na Manispaa ya Bukoba umekamilika na vyote vinatoa huduma kwa wananchi wa Mkoa wa Kagera

Zahanati

Ujenzi wa zahanati mpya 40 katika Halmashauri za Karagwe, Bukoba, Kyerwa, Ngara, Missenyi, Muleba, Biharamulo na Manispaa ya Bukoba umekamilika na vyote vinatoa huduma kwa wananchi wa Mkoa wa Kagera. Aidha, kukamilika kwa vituo hivi kumeimasha utoa wa huduma za afya ikiwa ni pamoja na huduma ya upasuaji kwa akina mama wajawazito wanaohitaji huduma hiyo.

Mkakati wa Mkoa kukabiliana na magojwa ya mlipuko

Mkoa una mikakati ya kukabiliana magojwa ya mlipuko hasa ukizingatia Mkoa wetu upo mpakani. Kwa kipindi cha miaka minne Mkoa umejenga vituo kumi na mbili (12) (isolation wards) ya kuwahudumia wagonjwa wanaohisiwa kuwa na magonjwa hayo wakati uchunguzi ukufanyika. Adha, Mkoa umetoa mafunzo maalumu kwa watumishi 155 wa afya kwa ajili ya kutoa huduma pindi magonjwa ya mlipuko yanapotokea.

Mafanikio mengine ya Huduma za Afya ndani ya Mkoa kwa Kipindi miaka minne yaani kuanzaia 2020 hadi 2024 ni kama ifuatavyo.

• Kuongezeka kwa vituo vya kutolea huduma za Afya kutoka 286 kwa mwaka 2020 hadi 340 kwa mwaka 2024
• Kupunguza vifo vya akina mama vitokanavyo na uzazi kutoka vifo 55 mwaka 2020 hadi vifo 25 mwaka 2024. Hili linachangiwa na usimamizi wa utekelezaji wa miongozi inayotolewa na serikali, kuboresha huduma na mafunzo mbalimbali kwa watoa huduma
• Kupunguza  vifo  vya  watoto  wachanga  kutoka  vifo  419 vya mwaka 2020 hadi vifo 220 kwa kwa mwaka 2024.
• Mkoa umepokea Magari 09 kwa kipindi cha miaka minne na kufanya Mkoa kuwa na jumla ya magari 37 ya kubebea wagonjwa kutoka magari 28 mwaka 2020.
• Upatikanaji wa dawa katika vituo vya kutolea huduma za afya umefikia asilimia 90

Lengo la Huduma za Afya Mkoani Kagera ni kuwezesha utoaji wa Afya ya Kinga, Tiba, Maendeleo ya Afya na Ustawi wa Jamii kwenye Mkoa. Aidha, Mkoa unafanya kazi ya kuratibu na kushauri juu utekelezaji wa Sera ya Afya kwenye Mkoa