KAGERA YAWEKA MALENGO YA KUSAJILI WATOTO WALIO NA UMRI CHINI YA MIAKA MITANO KWA ASILIMIA 90

Katika kikao cha Mamlaka ya Vizazi na Vifo RITA Kagera yajiwekea malengo ya usajili wa watoto wenye umri wa chini ya miaka mitano  wenye stahiki za msingi na kupatiwa vyeti vya kuzaliwa kupitia mpango maalumu wa usajili wa watoto walio na umri wa chini ya miaka mitano.

Akiitoa taarifa fupi Mariam Nkubwa, mratibu wa mkakati wa usajili wa watoto walio chini ya miaka mitano kutoka Ofisi ya Rais TAMISEMI wakati akiongea na viongozi mbalimbali katika ukumbi wa mkuu  wa Mkoa, Manispaa ya Bukoba amesema kuwa zoezi hilo linalenga kuwasajili watoto hao kwa kuwafuata katika maeneo yao huku akisisitiza  kuwa mpaka sasa ni asilimia 14.2 tu ya watoto walio na umri wa chini ya miaka mitano waliosajiliwa na kupatiwa vyeti vya kuzaliwa mkoani Kagera.

Katibu Tawala Mkoa wa Kagera, Ndg. Toba Nguvila amewataka  viongozi mkoani humo kutoa ushirikiano wa kutosha kwa maafisa wa RITA ili kuhakikisha kuhakikisha watoto wote waliokidhi vigezo wanasajiliwa.

Sambamba na hilo, amewaonya viongozi kufanya kazi zao kwa kuzingatia maadili ya kazi na kuepuka kulitumia zoezi hilo kama sehemu ya kujipatia kipato kwani zoezi hilo litatolewa la bure na atakayebainika kutoza pesa katika zoezi hilo atachukuliwa hatua kali za kisheria.

"Sitegemei kiongozi yeyote mkoani Kagera kukwamisha zoezi hili kwa namna yoyote hile, tuhakikishe kila mtoto mwenye vigezo anapata haki yake ya kusajiliwa na kupewa cheti lakini pia nasisistiza suala la uahamiaji haramu lisiwekikwazo cha kukwamisha zoezi hili"ameeleza Ndg Nguvila

Ndg. Brenda Joshua Kileo,  meneja wa usajili na utambuzi kutoka mamlaka ya vitambulisho vya taifa (NIDA), alisema kuwa katika zoezi hilo watakuwa sambamba na maafisa wa RITA kuendelea kufanya utambuzi uhusani kwa ambao watakuwa hawajapata namba ya NIDA ili kuhakikisha wote wanaostahili wanapata namba hizo na ambao hawatakidhi vigezo watapewa fomu maalumu na wataalamu wa RITA itakayoenda uhamiaji ili kusaidia wazazi hao kusajili watoto wao.